जिल्ला प्रहरी कार्यालय काभ्रेले नयाँ प्रहरी प्रमुख ( प्रहरी उपरिक्षक ) चक्रराज जोशीको स्वागत एवं भूपेन्द्र बहादुर खत्रिलाई बुधबार एक कार्यक्रमका बीच बिदाई गरेको छ । प्रहरी प्रधान कार्यालय नक्सालमा सरुवा भएका खत्रिको ठाउँमा जोशी आउनु भएको हो । प्रहरी कर्मचारीलाई सुदृढ, अनुसाशित, निष्ठावान बनाई जिल्लाको शान्ति सुरक्षालाई मजबुद बनाउन आफू सदैब क्रिायाशिल रहिरहने जोशिले बताउनुभयो । विदाई हुनु भएका प्रहरी उपरिक्षक भुपेन्द्र बहादुर खत्रिले आम काभ्रेलीलाई धन्यवाद दिदै व्यवसायीक जीवनको महत्वपूर्ण क्षण आफूले कहिल्यै नभुल्ने उल्लेख गर्नुभयो । कार्यक्रममा प्रहरी नायव उपरिक्षक हरि खतिवडा, प्रहरी निरिक्षकहरु, पत्रकार महासंघ काभ्रेका अध्यक्ष बद्रिराज तिमल्सिना लगायत सञ्चारकर्मीहरुको उपस्थिति रहेको थियो ।