नेपाल हृदय रोग निवारण प्रतिस्ठान काभ्रे शाखा र रोटरी क्लब अफ धुलिखेलको संयुक्त आयोजनामा रामेछाप, मन्थली स्थित तामाकोसी अस्पतालमा निःशुल्क बाथ मुटुरोग परिक्षण उपचार र परामर्श शिविर सम्पन्न भएको छ । सो शिविरमा धुलिखेल अस्पतालका बाल मुटु रोग विषेशज्ञ डा. अनिश जोशीले इकोको जाँच गर्नुभएको थियो । नेपाल हृदय रोग प्रतिस्ठान काभ्रे शाखामा कार्यरत सविना श्रेष्ठले ईसिजि को जाचँ गर्नु भएको थियो । उक्त शिविरमा ५३ जनाको स्वास्थ्य परीक्षण गरिएको थियो जस मध्य ५३ जनाको इको तथा ४ जनाको ईसिजिको जाँच गरीएको थियो भने ४ जनालाई थप उपचारको लागि धुलिखेल अस्पतालमा लगीे उपचारको व्यवस्थापन गरीने छ । उक्त शिविरको आर्थिक तथा प्राविधिक सहयोग रोटरी क्लब अफ वेउकासा–अमेरीका, रोटरी क्लब अफ धुलिखेल तथा नेपाल हृदय रोग निवारण प्रतिष्ठान द्धारा गरिएको थियो । उक्त शिविरको कार्यान्वयन तामाकोसी अस्पताल तथा आर सि सि पिपलचौर द्धारा गरिएको थियो भने यस शिविरको संयोजक अशोक कुमार श्रेष्ठ तथा पल्लवि प्रधानले गर्नु भएको थियो । मुटुको स्वास्थ्यको लागि निरन्तर स्वास्थ्य परियोजनाहरु स्थिानीय समुदाय संग मिलेर निरन्तर कार्यन्वन गर्दौ जाने प्रतिबद्धता नेपाल हृदय रोग निवारण प्रतिष्ठान काभ्रे शाखाका सभापति अशोक कुमार श्रेष्ठले गर्नु भएको थियो