काभ्रेमा सोमबार थप ३४ जनामा कोरोना संक्रमण पुष्टि भएको छ । स्वास्थ्य कार्यालय काभ्रेका अनुसार सोमबार १४ जना संक्रमणमुक्त भई डिस्चार्ज भएका छन् । पछिल्लो २४ घण्टामा गरिएको पिसिआर परीक्षणबाट २२जना र एन्टिजेन परिक्षणबाट १२ जना नयाँ संक्रमित थपिएको स्वास्थ्य कार्यालय धुलिखेलका प्रमुख डा. नरेन्द्र कुमार झाले जानकारी दिनुभयो । यसैविच काभ्रेमा कोरोना विरुद्धको खोप लगाउने क्रममा पहिलो मात्रा खोप लगाउनेको संख्या १ लाख  ४७ हजार ८ सय ४१ जना, पुर्ण मात्रा खोप लगाउनेको संख्या १ लाख ८ हजार १ सय ३७ रहेको बताईएको छ ।