काठमाडौँः ‘गाँजावादी एक हौँ’ भन्दै गाँजालाई वैधानिकता दिन र गाँजा राखेको आरोपमा पक्राउ परेका राजीव काफ्लेको रिहाईका माग गर्दै सोमबार काठमाडौंमा प्रदर्शन गरिएको छ । सोमबार माइतीघरमा काफ्लेको रिहाई माग गर्दै एउटा समूहले प्रदर्शन गरेको हो । उनीहरूले गाँजालाई वैधानिकता प्रदान गरी देशको अर्थतन्त्र उकास्न सरकारसँग माग पनि राखेका छन् । प्रदर्शनकारीले ‘गाँजावादी एक हौँ’, ‘देश गाँजा खानेले होइन, नखानेले बिगारेको हो’ लगायतका नारा लेखिएका प्लेकार्ड बोकेका थिए ।