बी.पी राजमार्ग अन्तरर्गत रोशी गाउँपालिका-७ कटुञ्जेमा पहिरो खसेर ढुंगाले लाग्दा मोटरसाइकलमा सवार एक जनाको मृत्यु भएको छ । आइतबार बिहान ९ बजे बी.पी राजमार्गको कटुञ्जेमा माथिबाट पहिरो खसेर ढुङ्गाले लाग्दा महोत्तरी जिल्ला रामगोपालपुर घर भएका २८ वर्षीय सरोजकुमार साहको मृत्यु भएको छ भने मोटरसाइकल पछाडि सवार धनुषा रामानन्ध चोकका ३० वर्षीय सतिसकुमार साह घाइते भएको जिल्ला प्रहरी कार्यालय काभ्रेले जनाएको छ । घाइते सतिसकुमार साहको पेट र अनुहारमा चोट लागेकोले धुलिखेल अस्पतालमा उपचार भइरहेको प्रहरीले जनाएको छ ।