देशमा खाना पकाउने ग्याँसको चरम अभाव भएको बखत पनि बनेपाको इरा खाद्य स्टोरले सहज ढङ्गबाट लोकप्रिय कम्पनीको ग्याँस बिक्रि गर्दै आएको छ । सरकारले तोकेको दररेटमा प्रतिसिलिण्डर २ हजार १ सय ६५ मा ग्याँस बिक्रि गरेको कुरा इरा खाद्य स्टोरले सञ्चालन गरेको लोकप्रिय ग्याँस डिपोका अधिकृत बिक्रेता प्रोपाइटर राजन कायस्थले बताउनुभयो । शुक्रबार ६ सय सिलिण्डर र हिजो ३ सय सिलिण्डर ग्याँस बिक्रि गरेको जनाएको छ । लोकप्रिय ग्याँस कम्पनी बीरगञ्जमा सिलिण्डर भरेर ढुवानी गरी बनेपामा उपोभोक्तालाई ग्याँस वितरण गरेको हो ।