कुन्तावेंसी । मण्डनदेउपुर नगरपालिका स्थित आधारभूत अस्पतालबाट स्वास्थ्य बीमाको प्रथम सेवा बिन्दुको सेवा शुरु भएको छ । आइतबार वागमती प्रदेश सरकारका स्वास्थ्य मन्त्री किरण थापाको प्रमुख आतिथ्यता र प्रदेश सांसद लक्ष्मण लम्सालको विशेष आतिथ्यतामा सेवा शुरु भएको हो । कार्यक्रममा नगरप्रमुख टोकबहादुर वाइवा, उपप्रमुख विष्णुमणि नेपाल, कार्यपालिका सदस्यहरु, नगरसभा सदस्यहरु, जन स्वास्थ्य कार्यालय काभ्रेपलान्चोक प्रमुख, कर्मचारीहरु र सामुदायिक स्वास्थ्य सवंसेविकासहितको उपस्थिती रहेको थियो । मण्डनदेउपुर आधारभूत अस्पतालमा स्वास्थ्य बीमा कार्यक्रमको प्रथम सेवा बिन्दु शुभारम्भसँगै जैसीथोक स्वास्थ्य चौकीको नवनिर्मित भवनको उद्घाटन कार्यक्रम पनि गरिएको थियो । सामुदायिक स्वास्थ्य स्वयंसेविकाबाट उमेर हदका कारण सेवा निवृत्त हुनुभएका स्वास्थ्य स्वयंसेविकाहरुलाई सम्मानसहित बिदाई कार्यक्रम सम्पन्न भएको नगरपालिकाका स्वास्थ्य शाखा प्रमुख दीपक घिमिरेले जानकारी दिनुभयो ।