गत शुक्रबार पाँचखाल ४ समाजकल्याण चोकमा रहेको मोबाइल पसलमा चोरी गर्ने दुई जना पक्राउ परेका छन् । रविन इलेक्ट्रोनिक सेन्टर पसलमा गत शुक्रबार चोरी गरि फरार रहेका भक्तपुर चाँगुनारायण–५ छालिङ स्थित डेरा लिइ लुकिछीपी बसेको अवस्थामा पाँचखाल–२ का १९ वर्षिय सुमन वाइवा र सुरेश वाइवालाई पक्राउ गरिएको हो । उनीहरुको कोठाबाट १३ थान मोबाइल, विभिन्न मोबाईलको डाटा केबल ५ थान र विभिन्न मोबाईलको ३ थान कभर निज प्रतिवादीहरुबाट वरामद गरिएको जिल्ला प्रहरी कार्यालय काभ्रेका प्रहरी नायव उपरीक्षक मिन बहादुर घलेले जानकारी दिनुभयो ।