काठमाडौं विश्वविद्यालय ग्लेसियरको बीपीएच कार्यक्रमको चौथो ब्याचका लागि आयोजित ओरिएन्टेसन कार्यक्रम २०२५ सम्पन्न गरेको छ । जसले नयाँ ३१ विद्यार्थीहरूको शैक्षिक हितको लागि सकारात्मक प्रारम्भको थालनी गरेको छ । कार्यक्रममा ब्याचलर अफ प्रोफेसनल हस्पिटालिटी डिग्रीको महत्वलाई उजागर गर्दै पर्यटन तथा आतिथ्य क्षेत्रमा सम्भावनापूर्ण करियर मार्गहरूको परिचय दिइयो । उपकुलपति प्रा.डा. अच्युत प्रसाद वाग्लेले प्रेरणादायी सम्बोधन गर्दै विद्यार्थीहरूलाई उत्साह र उद्देश्यका साथ आफ्नो यात्रा अँगाल्न हौसला दिनुभयो । कार्यक्रमको प्रमुख आकर्षणमध्ये एक थियो—२१ जना उत्कृष्ट विद्यार्थीहरूलाई सम्मान गर्नु, जसले सिद्ध ४.० जीपीए हासिल गरेका थिए। यो उपलब्धिलाई साथी विद्यार्थीहरू र शिक्षकहरूले समेत विशेष रूपमा मनाए ।

    डिन प्रा.डा. विजय केसी र विश्वविद्यालयका अन्य प्रतिष्ठित सदस्यहरूको उपस्थितिले कार्यक्रमलाई थप गरिमा प्रदान गर्‍यो। शैक्षिक र व्यवसायिक क्षेत्रबीचको सहकार्यलाई थप बलियो बनाउँदै, साझेदार होटलहरूका न्भलभचब िःबलबनभचक, च्भकष्मभलत :बलबनभचक, ज्गmबल च्भकयगचअभ ज्भबमक र भ्हभअगतष्खभ म्ष्चभअतयचक हरूको पनि सहभागिता थियो । यो ओरिएन्टेसन कार्यक्रमले शैक्षिक उत्कृष्टता र व्यवहारिक अनुभव मार्फत आतिथ्य क्षेत्रमा भावी नेतृत्व विकास गर्न काठमाडौं विश्वविद्यालय ग्लेसियरको प्रतिबद्धता जनाएको छ । विद्यालयका निर्देशक अनुप विस्ट र बेलर इन्टरनेश्नल एकेडेमीको प्रिन्सिपल इन्दु थापा लगाएतले मन्तव्य राख्नुभएको थियो ।