धुलिखेल अस्पतालले उच्चस्तरीय स्किन केयर प्रडक्ट पछि वैशाख ९ गतेदेखि गुणस्तरीय स्वास्थ्यवद्र्धक टुथपेष्ट उत्पादनमा ल्याएको छ । दन्त चिकित्सक प्रा. डा. दशरथ काफ्लेका अनुसार १०० ग्राम वजनको यो टुथपेष्ट अमेरिकी सिद्हस्त कम्पनीको फर्मुलामा बनेको भएपनि नेपाली जडिबुटीयुक्त बनाईएको छ । जसका कारण यो मुख, गिजाको स्वास्थ्यको लागि बहुपयोगी भईकन मुखमा हुने हानिकारक किटाणु र माईक्रो अर्गानिज्मलाई निमिट्यान्न पार्ने क्षमताको छ । आगामी दिनमा ग्राहकहरुको चाहना अनुसार विभिन्न फ्लेवरमा पनि उत्पादन गरिनेछ । यो टुथपेष्ट धुलिखेल अस्पतालको स्याहार आउटलेटमा विक्री वितरणमा रहनेछ ।