काठमाडौं विश्वविद्यालय (केयू) को उपकुलपतिमा प्राडा अच्युत वाग्ले नियुक्त हुनुभएको छ । कुलपति तथा प्रधानमन्त्री केपी शर्मा ओलीले उहाँलाई नियुक्ति गरेको प्रधानमन्त्री तथा मन्त्रिपरिषद्को कार्यालयले जनाएको छ । उहाँलाई नियुक्ति पत्र लिन प्रधानमन्त्री कार्यालय डाकिएको छ । माघ ४ गते उपकुलपति भोला थापाको कार्यकाल सकिएपछि वाग्ले निमित्त उपकुलपतिको जिम्मेवारीमा हुनुहुन्थ्यो । २०७९ असोज २ गते उहाँलाई तत्कालीन प्रधानमन्त्री शेरबहादुर देउवाले रजिष्ट्रार नियुक्त गर्नभएको थियो ।