प्रतिनिधि सभामा गठित सहकारी ठगी उच्चस्तरीय छानबिन आयोगका अध्यक्ष भैसकेका सूर्य थापा पोखरा पुगेर भनेका छन् – सहकारीमा डुबेको बचतकर्ताको रकम राज्यकोषबाट फिर्ता हुँदैन । एमाले नेता एवं प्रतिनिधिसभा सदस्य रहेका थापाले सहकारीको कार्यालय बन्द गरेर र सञ्चालकलाई जेलमा थुनेर बचतकर्ताको रकम फिर्ता नहुने बताएका छन् । पोखरामा आइतबार १२ औं नेपाल लिटरेचर फेस्टिभलको अन्तिम दिन ‘सहकारीको सास्ती सत्रमा बोल्दै उनले सरकारले पनि बचतकर्ताको रकम राज्यकोषबाट फिर्ता गर्न नसक्ने बताए ।