“रक्तदान जीवनदान” भन्ने सेवाभावबाट अभिप्रेरित भई बुडोल सामुदायिक साकोस र लायन्स क्लब अफ काभ्रे गोसाईस्थानको संयुक्त आयोजना र नेपाल रेडक्रस सोसाइटी, काभ्रेको सहकार्यमा शनिबारको दिन बनेपा स्थित चारदोबाटो चोकमा “खुल्ला रक्तदान कार्यक्रम” सम्पन्न भएको छ । उक्त कार्यक्रममा ४३ जना रक्तदाताहरुले  रक्तदान गर्नुभएको थियो । लायन्स क्लब अफ काभ्रे गोसाईस्थान र रेडक्रस सोसाइटी काभ्रेको प्रविधिक सहयोगमा सम्पन्न भएको कुरा संस्थाका प्रमुख कार्यकारी अधिकृत विवेकराज ठकुरीले बताउनु भयो ।