बनेपा ÷महोत्तरी जिल्लाको बर्दिवास नगरपालिका वडा नं ८ बडडाँडा घर भई काभे्रको पनौती नगरपालिका –७ बस्ने वर्ष २२ को सुजन तामाङलाई विभिन्न समयमा चोरी गरेको सामान सहित प्रहरी चौकी पानौतीले पक्राउ गरेको छ ।  विभिन्न समयमा चोरी भएका घटनाको अनुसन्धानको क्रममा प्रहरी चौकी पनौतीबाट खटिएको प्रहरीले पनौती नगरपालिका ४ ज्यालापाटी स्थित विशाल हुमगाईको कोठाबाट चोरी भएको ल्यापटप थान १ र २ थान मोबाइल सहित पक्राउ गरिएको हो । साथै प्रहरीले उनको कोठाबाट विभिन्न ठाउँमा चोरी भएको  ल्याप्टप ३ थान र मोबाइल २ थान फेला पारेको छ । उनलाई चोरी तथा डाँका सम्बन्धी कसुर अन्तरगत ७ दिनको म्याद थप गरी अनुसन्धान कार्य भइरहेको ईलाका प्रहरी कार्यालय बनेपाले जनाएको छ ।