बेथान्चोकमा बोलेरो गाडी दुर्घटना हँदा १ जनाको मृत्यु भएको छ । शुक्रबार दिउँसो बेथान्चोक गाउँपालिका ४ पडगाउँ डाँडाका दलबहादुर तामाङको बनेपा स्थित शिर मेमोरियल हस्पिटलमा उपाचारका क्रममा मृत्यु भएको इलाका प्रहरी कार्यालय बनेपा काभे्रका प्रहरी नायव उपरीक्षक रेशम बोहोराले जानकारी दिनुभएको छ । तीव्र गतिको बोलेरो गाडी अनियन्त्रीत भई सडकबाट अन्दाजी २०० मिटर तल खसेको बोहोराले जानकारी दिनुभएको छ । दुर्घटनामा अन्य ३ जना घाइते भएका छन । घाइतेहरको बनेपास्थित शिर मेमोरियल अस्पतालमा उपाचार भइरहेको छ । दुर्घटनामा घाइते भएका सवारी चालक श्रीराम खत्रीको दुवै खुट्टामा चोट लागेको छ भने गाडीमा सवार राजु लामाको टाउकोमा चोट लागेको बोहोराले बताउनुभयो ।