निष्ट फाउण्डेशनबाट सञ्चालित बनेपा निष्ट कलेजमा कक्षा–१२ मा विज्ञान संकायमा अध्यनरत रजित दाहाल नेपाल भरमै उत्कृष्ट नतिजा ल्याउन सफल भएका छन् । बनेपा निष्टमा अध्यनरत छात्र रजित दाहाल नेपाल टप भएको कुरा विद्यालयका प्रिन्सिपल दिपक भट्टले जानकारी दिनुभयो । विद्यालयको शैक्षिक प्रभावकारीता, गुणस्तरीय शिक्षण सिकाइको परिणामले नै नेपाल भरीबाट उत्कृष्ट हुन सकेको प्रिन्सिपल भट्टले भन्नुभयो । उत्कृष्ट विद्यार्थी रजितले ३.९६ जीपिए ल्याएका थिए । त्यस्तै विद्यालयका रविन्द्र श्रेष्ठले ३.९० जिपिए ल्याएका छन् भने व्यवस्थापन तर्फका सिम्रन धितालले ३.८६ जिपिए ल्याई उत्कृष्ट भएका छन् ।