काभ्रे जिल्लाको पुरानो शैक्षिक संस्था इन्द्रेश्वर क्याम्पसले आफ्नो २१ औ स्थापना दिवस बाग्मती प्रदेश कृषि तथा पशुपक्षि मन्त्री माननीय बसुन्धरा हुमागाईको प्रमुख आतिथ्यतामा भाद्र १० सम्पन्न गरेको छ । सो अवसरमा इन्द्रेश्वर क्याम्पसले आयोजना गरेको खेलकुद सप्ताह अन्र्तगतका विभिन्न खेलकुद प्रतियोगितामा सफलता हासिल गर्ने विद्यार्थीहरुलाई पुरस्कार तथा प्रमाण पत्र वितरण गरियो । इन्द्रेश्वर क्याम्पसका संस्थापक प्राचार्य देवकृष्ण शर्मालाई दोसल्ला ओडाइ सम्मान समेत गरिएको थियो । क्याम्पस प्रमुख श्रीकुमार सुवालले क्याम्पसको कार्यप्रगति विवरण प्रस्तुत गर्नुभयो । प्रमुख अतिथि हुमागाईले क्याम्पसलाई प्राविधिक शिक्षा प्रदान गर्नको लागि आवश्यक सहयोग उपलब्ध गराउने प्रतिवद्धता व्यक्त गर्नुभयो ।